नेपालगन्ज: नेपाल स्वास्थ्य अनुसन्धान परिषदको कर्मचारी विनियमावली पास भएको छ। लामो समयदेखि अड्किएको फाइल अन्तत पास भएको हो। मन्त्रिपरिषदको पुस ३ गतेको बैठकले विनियमावली पास गरेको हो।

विनियमावली पास भएसँगै परिषदमा नयाँ कार्मचारी नियुक्तिदेखि कर्मचारीको बढुवा लगायतका काम अगाडि बढ्ने भएको छ।

२०७४ सालमा तयार पारिएको विनियमावलीको उक्त फाइल कहिले मन्त्रालयमा नै हराउने त कहिले परिषदकै दराजमा थन्किने गरेको थियो। लामो समयको प्रयासपछि विनियमावली पास भएको परिषदका सदस्य सचिव डा प्रदिप ज्ञवालीले जानकारी दिनुभयो ।