नेपालगन्जः कोशी अस्पताल सञ्चालक सदस्यबाट राजीनामा दिएर विराटनगरको उपमेयर उठेकी शिल्पा निरौला कार्कीले निरन्तर अग्रता लिनुभएको छ ।
उहाँले गठवन्धनका तर्फबाट उपमेयरका उम्मेदवार अमरेन्द्र यादवलाई २ हजार ८ सय २ मतले पछि पार्दै अग्रता बढाइरहनुभएको छ ।
प्राप्त पछिल्लो विवरण अनुसार शिल्पाले ७ हजार ६४६ मत प्राप्त गर्नुभएको छ भने उहाँका प्रतिस्पर्धी यादवले ४ हजार ८४४ मत प्राप्त गर्नुभयो ।
शिल्पा नेपाल कम्युनिष्ट पार्टी एमालेका तर्फबाट उपमेयरको उम्मेदवार बन्नुभएको छ । मेयरमा भने नेपाली कांग्रेस उम्मेदवार नागेश कोइराला ९,००० मतका साथ अग्रस्थानमा रहनुभएको छ ।
कोइरालालाई पछ्याइरहेका नेपाल कम्युनिष्ट पार्टी (एमाले)का सागरकुमार थापाले ६,६६७ मत ल्याउनुभएको छ ।
