नेपालगन्जः कैलालीको सेती प्रादेशिक अस्पतालको प्रयोगशालामा भएको परीक्षणमा मंगलबार थप २५६ जनामा कोरोना संक्रमण पुष्टि भएको छ। अस्पतालका सूचना अधिकारी दिलिपकुमार श्रेष्ठका अनुसार ४०० नमुना परीक्षण गर्दा थप २५६ जनामा संक्रमण पुष्टि भएको हो।

अस्पतालमा अहिले २२ जना संक्रमितको उपचार भइरहेको सूचना अधिकारी श्रेष्ठले बताउनुभयो। उहाँका अनुसार गम्भीर प्रकृतिका १ जनाको आइसियूमा राखेर उपचार भइरहेको छ। यस्तै पछिल्लो २४ घण्टामा २ जना डिस्चार्ज भएका छन्।