काठमाडौं : प्रधानमन्त्री केपी शर्मा ओलीले नेपालबाट कोभिड–१९ पूर्ण रुपमा नियन्त्रणमा नआउँदासम्म खोप अभियान जारी राख्ने बताउनुभएको छ ।
शुक्रबार काठमाडौंमा आयोजित सभालाई सम्बोधन गर्दै प्रधानमन्त्री ओलीले नेपालमा कोरोना महामारी नियन्त्रणमा ल्याएको दावी समेत गर्नुभएको छ । प्रधानमन्त्री ओलीले पहिलो चरणमा फ्रन्टलाइनरहरुलाई दिइएको कोरोनाविरुद्धको खोप छिट्टै सबै नेपालीलाई दिइने बताउनुभएको छ ।
सम्बोधनका क्रममा प्रधानमन्त्री ओलीले समयमै खोप ल्याएको र सबै जिल्लामा पुर्याउन सफल भएको दाबी गर्नुभयो । उहाँले कोभिड–१९ महामारीको समयमा अग्रपंक्तिमा खटिएका सबैलाई धन्यवाद समेत दिनुभएको छ ।
