सुर्खेत: कर्णाली प्रदेशमा पछिल्लो २४ घण्टामा थप २५८ जनामा कोरोना भाइरस संक्रमण पुष्टि भएको छ । पीसिआर विधिबाट ४०९ जनाको नमुना परीक्षण गर्दा ८७ जना र ५५५ जनाको एन्टिजेन विधिबाट परीक्षण गर्दा १७१ जना गरि कुल २५८ जनामा संक्रमण पुष्टि भएको हो ।
प्रदेशको स्वास्थ्य सेवा निर्देशनालयका अनुसार गएको २४ घण्टामा प्रदेशभर कोभिड संक्रमण मुक्त भई ४२३ जना डिस्चार्ज भएका छन् । हालसम्म कर्णाली प्रदेशमा कोभिड संक्रमण पुष्टि हुनेहरुको कुल संख्या २२ हजार २०२ पुगेको प्रदेशको स्वास्थ्य निर्देशनालयले जनाएको छ ।
हालसम्म संक्रमणबाट करिब १४ हजार ६०९ जना निको भएका छन् । ६ हजार १२२ जना कोभिडका सक्रिय संक्रमित अहिले विभिन्न आइसोलेसनमा स्वास्थ्य लाभ गरिरहेको निर्देशनालयको तथ्यांकमा उल्लेख छ ।
कोरोना भाइरस संक्रमणका कारण प्रदेशमा थप ५ जनाको मृत्य भएको छ । योसँगै संक्रमणकै कारण कर्णाली प्रदेशमा हालसम्म ज्यान गुमाउनेहरुको संख्या २२६ पुगेको छ ।
