काठमाडौं: कोरोना भाइरस संक्रमणका कारण देशभर थप २१४ जनाको मृत्यु पुष्टि भएको छ ।

योसँगै नेपालमा कोभिड संक्रमणका कारण मृत्यु हुनेको संख्या ५ हजार २१५ पुगेको स्वास्थ्य तथा जनसंख्या मन्त्रालयको तथ्यांकमा उल्लेख छ । पछिल्लो २४ घण्टामा ९ हजार २४७ संक्रमित थपिएका छन् ।

त्यस्तै देशभरबाट ५ हजार ७६७ जना संक्रमणमुक्त भएको मन्त्रालयले जनाएको छ । हाल देशभर सक्रिय संक्रमितको संख्या १ लाख १३ हजार ४८० पुगेको छ ।